បីសាចកញ្ចាស់តណ្ហា ត្រូវសមត្ថកិច្ចចាប់ខ្លួន
02-June-2016 | ដោយ មែន កំសត់
ខេត្តបាត់ដំបង ៖ បុរសវ័យ៦០ឆ្នាំម្នាក់ត្រូវបានឃាត់ខ្លូននៅល្ងាចថ្ងៃទី០១ ខែមិថុនា ឆ្នាំ២០១៦ នេះ នៅភូមិរូងអំពិល ឃុំខ្នាចរមាស ស្រុកបវេល ក្រោយពីមានបណ្ដឹងជាបន្តបន្ទាប់ចោទប្រកាន់ជននេះថា បានចាប់រំលោភសេពសន្ធវៈលើក្មេងស្រីជាអនីតិជនជាចំនួន៤នាក់ជា បន្តបន្ទាប់។ សេចក្ដីរាយការណ៍ពីសមត្ថកិច្ចបានឲ្យដឹងថា បុរសល្មោភកាមនោះឈ្មោះ ដឹក ជា អាយុ៦០ឆ្នាំ រស់នៅភូមិឃុំខាងលើ។ ជននេះបានជាប់សង្ស័យថា បានចាប់រំលោភក្មេងស្រីចំនួន៤នាក់ជាបន្តបន្ទាប់ដែលសុទ្ធតែ កូនសិស្សស្ថិតក្នុងវ័យជាអនីតិជន ពេលដែលក្មេងស្រីទាំងនោះទៅមើលទូរទស្សន៍នៅផ្ទះរបស់ខ្លួននាពេលយប់ ម្ដងៗ។ បើតាមរបាយការណ៍ដដែល ដោយយោងលើបណ្ដឹងរបស់អាណាព្យាលក្មេងស្រីរងគ្រោះបានបញ្ជាក់ថា បុរសវ័យចំណាស់រូបនេះបានប្រព្រឹត្តតាំងពីអំឡុងខែមីនាឆ្នាំ២០១៥ ម្លេះ តែទើបបែកធ្លាយរឿងនៅថ្ងៃទី០១ ខែមិថុនា ឆ្នាំ២០១៦ ហើយត្រូវអាណាព្យាបាលជនរងគ្រោះដាក់ពាក្យបណ្ដឹងជាបន្តបន្ទាប់ ហើយក្រោយពីទទូលបានបណ្ដឹងនេះ សមត្ថកិច្ចក៏បានធ្វើការស្រាវជ្រាវ នឹងឈានដល់ការឃាត់ខ្លួនជនសង្ស័យតែម្ដង ដោយមានការបញ្ជាផ្ទាល់ពីលោកស្នងការខេត្ត ដែលមានការឯកភាពពីលោកព្រះរាជអាជ្ញាអមសាលាដំបូងខេត្តផង។ ទោះយ៉ាងណានេះគ្រាន់តែជាព័ត៌មានបឋមដែលទទូលបានពី សមត្ថកិច្ចតែប៉ុណ្ណោះ ប៉ុន្តែពេលនេះសមត្ថកិច្ចកំពុងសាកសួរជនសង្ស័យនៅឡើយទេ ៕
ចំនួនអ្នកទស្សនា
- ថ្ងៃនេះ591
- ម្សិលមិញ14181
- សប្តាហ៍នេះ591
- ខែនេះ115741
- ឆ្នាំនេះ115741
- សរុប20558197